खासामा बेचिएका काठमाण्डौंकी १७ बषिर्या संगीना श्रेष्ठ र सर्लाहीकी १५ बषर्ीया समिता मगर ( दुवैको नाम परिर्वतन ) त्यहाँबाट जोखिम मोलेर भाग्न सफल भएका हुन् । माइती नेपालमा सोमबार आयोजित पत्रकार सम्मेलनमा उनीहरुले खासामा नेपाली चेलीमाथि हुने यौन शोषणको दर्दनाक विवरण उनीहरुले सुनाएको खबर आजको अन्नपूर्णपोष्ट दैनिकले छापेको छ ।
उनीहरुले खासाका विभिन्न स्थानमा नेपालीले सञ्चालन गरेको डान्सबारमा १ सय ५० जना भन्दा बढी नेपाली चेलीहरुको यौनशोषण भइरहेको बताएका छन् । डान्सबासमा साँझ ६ बजेदेखि विहान ७ बजेसम्म जवरजस्ति यौनव्यवसाय गर्न बाध्य बनाईने पनि उनीहरले बताएका छन् ।
सुरुमा १० हजार रुपैयाँ तलब पाएपनि पछि पैसा पाए भाग्छन भनेर साहुले तलब नै नदिएको पनि गुनासो गरेका छन् । उनीहरुलाई आफ्नै साथीले खासामा राम्रो काम पाईन्छ पैसा पनि राम्रो कमाई हुन्छ भन्दै लगेको बताएका छन् । आफुहरुलाई लाने साथी अहिले भने सम्पर्क बाहिर रहेको भन्दै यस्तो घटना दोहोरिन नदिन सरोकारवालालाई उनीहरुले माग समेत गरेका छन् ।
कोई टिप्पणी नहीं:
एक टिप्पणी भेजें